Ka ndërruar jetë në Shtetet e Bashkuara të Amerikës, doktori kosovar, Muharrem Selmani, specialist i Mjeksisë Familjare.

Oda e Mjekëve të Kosovës ka bërë të ditur se doktor Selmani ka kontribuuar për shërbimin ndaj qytetarëve të Podujevës për vite me radhë, transmeton Arbresh.info

Postimi i plotë:

Ndahet nga jeta Dr. Muharrem Selmani,

Dr. Muharrem Selmani ishte specialist i Mjekësië Familjare. Studimet për mjekësi të përgjithshme si dhe specializimin për Mjekësi Familjare i përfundoi në Fakultetin e Mjekësisë në Universitetin e Prishtinës.

Për vite me radhë u shërbeu qytetarëve të qytetit të Podujevës, në lëminë e Mjekësisë Familjare ku dha kontribut të veçantë.

Në prag të pensionimit Dr.Selmani u shpërngul në Shtetet e Bashkuara të Amerikës ku dhe ndërroi jetë.

Oda e Mjekëve të Kosovës, i shpreh ngushëllimet më të sinqerta familjarëve, miqve dhe kolegëve të tij./Arbresh.info